Җәмгыять 27 декабрь 2023 16:34

Казан Яңа елга сәяхәт итү өчен Россия буенча ТОП-10 популяр юнәлешләр исемлегенә керде

Скопировать ссылку

Казан Яңа елга сәяхәт итү өчен Россия буенча популяр юнәлешләр рейтингында алтынчы булды. Россиялеләрнең 20% ы бәйрәмнәрдә Татарстан башкаласында ял итәргә карар кылган. Сораштыруда илнең барлык төбәкләреннән 18 яшьтән өлкәнрәк 3,4 меңнән артык респондент катнашкан.

Яңа елны бәйрәм итү өчен иң яхшы шәһәр Санкт-Петербург булган, аны россиялеләрнең 46% ы сайлаган. Икенче урында – Мәскәү (36%). Бөек Устюг ял итү өчен тагын бер популяр урын булып тора – респондентларның 30% ы Яңа елны Кыш Бабайның туган шәһәрендә бәйрәм итүне өстен күрә. Топ-5 кә шулай ук Карелия (27%), Сочи һәм Байкал (24%) кергән.

Россиялеләрнең яртысыннан артыгы (респондентларның 59% ы) Яңа ел бәйрәмнәренә шәһәр сайлаганда төп критерий итеп күп санлы истәлекле урыннар булуын теләгән. Төп ориентирлар шулай ук төрле күңел ачулар яки гадәти булмаган табигать (40%), төбәкнең бай тарихы (39%), кызыклы чаралар (31%) булган.

Россиялеләрнең тагын 22% ы җиңел һәм уңайлы барып җитәргә мөмкин булган шәһәрләрне сайлый, ә сораштыруда катнашучыларның 21% ы тәмле һәм гадәти булмаган ризыкны татып карарга тели, дип хәбәр итә ТАСС.

Сәхифәләр

Казан Яңа елга сәяхәт итү өчен Россия буенча ТОП-10 популяр юнәлешләр исемлегенә керде