Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казан Яңа ел каникуллары вакытында иң популяр юнәлешләрнең өчлегенә керде
Казан Яңа ел бәйрәмнәрендә ял итү өчен Россиядәге иң популяр юнәлешләр өчлегенә керде. Бу хакта «Татар-информ»га «Островок» онлайн-броньлау сервисы экспертлары хәбәр итте.
Татарстан башкаласына 27 декабрьдән 11 гыйнварга кадәрге сәяхәтләргә сорау узган ел белән чагыштырганда 5%ка арткан. Бәйрәм көннәрендә бер төн кунып торуның уртача бәясе 7,7 мең сум тәшкил иткән. Казанга туристлар агымының төп өлешен Россиянең эре шәһәрләрендә яшәүчеләр формалаштыра. Иң еш кына сәяхәтләрне Мәскәү һәм Мәскәү өлкәсе халкы, шулай ук Санкт-Петербург, Свердловск һәм Түбән Новгород өлкәләреннән туристлар броньлый.
Яшәү вариантларын сайлауда апартаментлар алда бара — аларга броньлауларның 47%ы туры килә. Шулай ук йолдызсыз отельләр (18%), өч йолдызлы кунакханәләр (13%) һәм дүрт йолдызлылар (10%) популяр. Броньлауларның 4%ы – кунак йортларына һәм хостелларга, 3%ы – бер-ике йолдызлы отельләргә, ә 1%ы – биш йолдызлы отельләргә туры килә.
Иң еш туристлар Казанга парлап килә — ике өлкән кеше, балаларсыз броньлаулар 48% тәшкил итә. Һәр өченче броньлау (33%) балалы гаиләләргә туры килә, бу ил буенча иң югары күрсәткечләрнең берсе. Өч һәм аннан да күбрәк кешелек компанияләр 11%ны, ә ялгыз туристлар 8%ны тәшкил итә.
Кызыклы яңалыкларны күзәтеп бару өчен Телеграм-каналга язылыгыз