Казан халыкара мөселман киносы фестиваленең Милли конкурсына 12 фильм сайлап алынган
Казан халыкара мөселман киносы фестиваленең Милли конкурсына Татарстанда яки татар телендә төшерелгән 12 фильм сайлап алынган.
Алар арасында Руслан Римовичның 2 минутлык «Алга» фильмыннан башлап, «Татармультфильм» берләшмәсенең «Әлдермештән Әлмәндәр» тулы метражлы (68 минутлык) анимацион фильмына кадәр бар.
Программага Илшат Сәетовның Төркия татарлары турында «Казан ерак» документаль фильмы, Нурания Җамалиның «Юллар чатында», Олег Кондрашовның «Мой народ – татары. Код успеха» фильмнары кергән.
Әлеге номинациядә Казан кинорежиссерлары Павел Москвин, Рөстәм Рәшитов, Зөфәр Хәйруллин, Ләйлә Сәләхетдинова, Станислав Назаров, Юлия Захарова һәм Гөлнара Әхмәтова фильмнары да бар.
- Казан халыкара мөселман киносы фестивале Казанда 5 – 9 сентябрьдә үтәчәк.