Казан халкын паркларда һәм торак массивларда үткәрелә торган күнекмәләргә чакыралар

Бу атнада Татарстан Республикасы башкаласында «Җитезләр һәм спорт сөючеләр» проекты кысаларында саф һавада бушлай күнекмәләр үткәрелә. Программада: хатха-йога, зумба, пилатес, цигун гимнастикасы, сальсатион, инсайд флоу йога, функциональ һәм башка төр күнекмәләр.

Иртәгә, 28 июль көнне, 6:00 сәгатьтә «Весна» һәм 7:00 сәгатьтә «Журавли» торак комплексларында хатха-йога үткәрелә. Шәһәр халкын сәгать 7:30 да Горький исемендәге паркка цигун гимнастикасына чакыралар. Горки-Әмәт урманында сальсатион бию күнекмәсе оештырыла. Чара 18:30 сәгатьтә башлана. Шул ук вакытта Җиңү паркында шәһәр халкын зумба-фитнес остаханәсенә көтәләр. Ярты сәгатьтән, ягъни 19:00 дә, Кабан күле буенда инсайд флоу йога уздырыла.

Чәршәмбе көнне, 29 июльдә, шәһәр халкы «Ак чәчәкләр» бульварында йога һәм сулыш алу практикасы буенча берләштерелгән дәрестә катнаша ала. Шулай ук Горки-Әмәт урманына зумбага барырга була. Чара 8:00 сәгатьтә башлана. Кич белән, сәгать 18:30 да, «Комсомолец» паркында зумба-фитнес оештырыла. «Черек күл» паркында шул ук сәгатькә функциональ күнекмә билгеләнгән. 19:00 сәгатьтә «Мой ритм» торак комплексында инсайд флоу йога уздырыла. «Салават күпере» торак массивындагы паркта көч күнегүләре уздырыла. Чара 19:30 сәгатьтә башлана.

Пәнҗешәмбе, 30 июль көнне, 6:00 сәгатьтә шәһәр халкын «Крылья Советов» паркында хатха-йогага көтәләр. Серов урамындагы бульварда һәм Урицкий исемендәге паркта дәресләр 18:30 сәгатьтә уздырыла. Беренче җәмәгать киңлегендә – зумба-фитнес, икенчесендә хатха-йога оештырыла. 19:00 сәгатьтә «Әкияти урман» торак комплексында – цигун гимнастикасы, Дәрвишләр бистәсендә хатха-йога остаханәсе билгеләнгән.

Җомга көнне, 31 июльдә, Кабан күле буенда зумба-фитнес буенча күнекмәләрдә катнашырга була. Чара 7:00 сәгатьтә башлана. Сәгать 8:00 дә «Светлая долина» торак комплексында хатха-йога оештырыла. «Отары» торак массивында арка мускулларын ныгыту дәресе үткәрелә. Шәһәрлеләрне сәгать 19:00 дә көтәләр. Ом-чантинг медитациясен яратучыларны шул ук вакытка Горки-Әмәт урманына чакыралар.

Шимбә көнне, 1 августта, 7:30 сәгатьтә «Atlantis Deluxe» торак комплексында хатха-йога белән шөгыльләнергә була. Сәгать ярымнан соң, 9:00 дә, «Калейдоскоп» паркында шулай ук хатха-йога буенча тагын бер дәрес оештырыла. Шул ук вакытта Җиңү паркында тартылу-сузылу күнекмәсе үткәрелә.

Якшәмбе көнне, 2 августта, спорт күнекмәләре 9:00 сәгатьтә Җиңү паркында уздырыла. Башкала халкын хатха-йогага чакыралар. «Крылья Советов» паркында бу вакытта дөрес итеп сулыш алу гимнастикасы тәкъдим ителә.

Дәресләрдә катнашу өчен алдан теркәлергә кирәк. Ул тиешле чатта күнекмәләр башланырга 1–2 көн кала ачыла.