Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казан вокзалларында пассажирларны терминалдан билет алырга өйрәтәләр
Быел терминаллар аша 170 мең билет сатып алынган
(Казан, 4 сентябрь, “Татар-информ”, Лилия Локманова). “Горький тимер юлы”, “Содружество” ААҖ пассажирлар өчен шәһәр яны компаниясе белән берлектә, “Клиентлар өчен заманча хезмәт күрсәтү — шәһәр яны поездларына билетларны үз-үзеңә хезмәт күрсәтү терминалларыннан сатып алу” акциясе уздыра.
Әлеге акциянең максаты — пассажирларны мондый терминаллар аша билетларны сатып алуга өндәү һәм җәлеп итү. “Содружество” ААҖ техник бүлеге Сергей Тереньев әйтеп узганча, билетларны терминаллар аша 30 яшькә кадәрге кешеләр сатып ала, ә 40 яшьтән узганнар, терминалга ышанмау сәбәпле, билетны касса аша сатып алуны кулайрак күрә. Терминаллардан кулланучы пассажирларның күләме якынча 9-10 процентны тәшкил итә, ягъни терминаллар аша быел 170 меңләп билет сатылган дигән сүз. Ташламаларга ия булучылар әлегә мондый терминаллар аша билет сатып ала алмый, чөнки җиһаз ташламага ия булуны раслаучы документларны танырга әлегә җайлаштырылмаган.
Татарстан вокзалларында, билет сатып алырга мөмкинлек биргән 24, ә республикадан читтә (Чувашия, Удмуртия, Башкортстан һәм Киров өлкәсе) исә шундый 11 терминал урнаштырылган.
2 сентябрьдән алып, ай дәвамында, ТР башкаласының “Казан” һәм “Казан-2” вокзаллары залларында терминаллардан кулланырга өйрәтүче, терминал аша билет сатып алырга ярдәм итүче хезмәткәрләр эшләячәк.
Кызыклы яңалыкларны күзәтеп бару өчен Телеграм-каналга язылыгыз