Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казан вертолетлары Иранда икътисади зоналар арасында очышлар ясау өчен файдаланыла ала
Иран белән Татарстан авиация өлкәсендә хезмәттәшлекне җәелдерергә мөмкин.
(Казан, 17 гыйнвар, "Татар-информ", Рөстәм Килсинбаев). Татарстан белән Иран авиация өлкәсендә хезмәттәшлекне җәелдерә ала. “Татар-информ” агентлыгына биргән интервьюда Иран Ислам Республикасының Казандагы Генераль консулы вазифаларын башкаручы Алибеман Эгбали Зарч шулай дип хәбәр итте.
“Соңгы елларда ике ил арасындагы хезмәттәшлек үсешендә алга китеш бар, төрле өлкәдә мөмкинлекләрне һәм хезмәттәшлекне җанландырып җибәрү күзәтелә, – диде Алибеман Эгбали Зарч. – Иранның төрле төрдәге җиңел очкычлар һәм гражданлык вертолетларына булган ихтыяҗына игътибар итеп, күп санлы сөйләшүләр алып барылуы, ихтыяҗларны карау һәм бәяләү өчен делегацияләр алмашу – табигый хәл”.
Искәртеп үтик: былтыр сентябрьдә Казан вертолет заводы базасында “Россия вертолетлары” холдингы вәкилләре белән Иран компаниясе – “Iran Helicopter Support and Renewal Company” – делегациясе үзләренә “Ансат” җиңел вертолетларын сатып алу һәм Иранда җыю эшен оештыру турында сөйләшүләр алып барды. Әлеге вертолетларны алар туристлар йөртүдә, икътисади зоналар арасында һава юлы булдыруда, баруы кыен булган төбәкләрдә яшәүчеләргә төрле ярдәм күрсәтүдә файдаланырга җыена.
Кызыклы яңалыкларны күзәтеп бару өчен Телеграм-каналга язылыгыз