Спорт 23 декабрь 2009 13:31

Казан ватерполистлары мөһим стартлар алдыннан җыенга китте

Җыеннарга Казан су тубы мәктәбендә тәрбияләнүче яшь спортчылар да җәлеп ителде

Скопировать ссылку

(Казан, 23 декабрь, “Татар-информ”). Казанның “Синтез” ватерполистлары Кипрның Пафос шәһәренә 10 көнлек җыенга китте. Биредә Казан командасы Россия Чемпионатының дүртенче турына, шулай ук Евролиганың башлангыч раундындагы хәлиткеч уеннарга әзерләнә.

Бу юлы команда киңәйтелгән составта шөгыльләнәчәк. Җыеннарга Казан су тубы мәктәбендә тәрбияләнүче яшь спортчылар да җәлеп ителде, дип хәбәр итә ТР Яшьләр эшләре, спорт һәм туризм министрлыгының матбугат хезмәте. “Синтез” спортчылары Казанга 31 декабрьдә кайта. 2 гыйнварда алар даими күнекмәләр уздыруга керешәчәк.

Сәхифәләр

Казан ватерполистлары мөһим стартлар алдыннан җыенга китте