Казан үзәгендәге йортны мәдәни мирас объектлары исемлегенә кертергә телиләр
Скопировать ссылку
Казандагы «Архитектор М.П.Коринфскийның торак йорты»н мәдәни мирас объектларының дәүләт реестрына кертү планлаштырыла. Бу хакта ТР Мәдәни мирас объектларын саклау комитетының рәсми сайты хәбәр итә.
Ведомство хәбәр иткәнчә, бина 18 гасыр ахырында – 19 гасыр уртасында архитектор Василий Кафтырев тарафыннан төзелгән һәм Г хәрефе формасындагы ике катлы таш корылма булып тора.
Булачак мәдәни мирас объекты Казанның тарихи үзәгендә Карл Маркс урамы,16 адресы буенча урнашкан.