Казан үзәгендә «Лада» баганага бәрелгән, йөртүчене машинадан коткаручылар чыгарган

Скопировать ссылку

Узган төндә Казан үзәгендә җитди юл-транспорт һәлакәте булган. Бу хакта шәһәр Дәүләт автоинспекциясендә хәбәр иттеләр.

«Лада» автомобилен йөртүче 37 яшьлек ир-ат машина белән идарә итә алмаган һәм баганага килеп бәрелгән.

Машинага җитди зыян тигән, җимерек автомобильдән йөртүчене чыгару өчен коткаручылар ярдәме кирәк булган.

Автомобиль хуҗасын төрле җәрәхәтләр белән хастаханәгә озатканнар.