«Казан утлары» журналы Фирдүс Гыймалтдиновның әсәрен кесә китабы итеп бастырачак
Скопировать ссылку
«Казан утлары» журналы тарафыннан 29 нчы кесә китабы – танылган язучы Фирдүс Гыймалтдиновның «Үлемнән бер адым алдарак» әсәре бастырылачак. Бу хакта «Казан утлары» журналы сайты хәбәр итә.
Язучының бу китапка кергән повестенда махсус хәрби операциядә катнашып һәлак булган Илнур Хәертдиновның сугышчан юлы тасвирлана. Илнур үзенең дөньяга карашы, кылган гамәлләре, уй-фикерләре белән үз буыны яугирләренең типик образын гәүдәләндерә. Автор үзенең повестенда укучыларын зур сәяси вакыйгаларның гади кеше тормышына йогынтысы турында фәлсәфи уйлануларга чакыра.
