Казан урамында "Мерседес Гелендваген" машинасына ут капкан
Гадел Кутуй урамында яна торган кроссоверны телефон камераларына төшереп алганнар.
Скопировать ссылку
(Казан, 7 июнь, "Татар-информ"). Казанда "Мерседес Гелендваген" машинасына ут капкан. Янгынны шаһитлар видеога төшереп алган һәм социаль челтәрләрдә тараткан.
Башлангыч мәгълүматлар буенча, яна торган кроссоверны телефон камераларына төшереп алганнар. Гадәттән тыш хәл Гадел Кутуй урамында булган. Кыйммәтле автомобильне ут тулысынча чолгап алган.
Янгын сәбәпләрен һәм имгәнүчеләр турында мәгълүмат ачыклана.
