Казан урамы буйлап йөргән төлкене видеога төшергәннәр
Кыргый җәнлек Адоратский урамындагы йорт ишегалдында йөргән.
Скопировать ссылку
(Казан, 16 февраль, «Татар-информ»). Казанда урам буйлап йөргән төлкене видеога төшергәннәр. Видео социаль челтәрләрдә чыкты.
Төлкене Адоратский урамындагы йортларның берсендә яшәүчеләр видеога төшергән. Кадрларда төлкенең кешеләрдән курыкмавы, кар көртендә утыруы һәм йорт территориясендә тыныч кына йөрүе күренә.
Кыргый хайван кемнеңдер йортында яши торган җәнлек булып, хуҗаларыннан качуы ихтимал.