Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казан укучысы Колумбиядә халыкара табигать фәннәре олимпиадасында алтын медаль алды
Казанның Мәскәү районы 2 нче номерлы лицей-интернатында укучы Альберт Семенов Юниорларның 19 нчы халыкара табигать фәннәре олимпиадасында алтын медаль алды. Ярышлар Боготада узды. Бу турыда Казан мэриясе хәбәр итте.
Россия командасы составында, Альберт Семеновтан тыш, Мәскәү, Мәскәү өлкәсе һәм Мордовиядән тагын биш укучы чыгыш ясады. Россия укучылары 5 алтын һәм бер көмеш медаль яулады.
Россия командасын сайлап алу һәм аны әзерләү Мәскәү физика-техник институтында узды, дип хәбәр итә Россия Мәгариф министрлыгының матбугат хезмәте.
Олимпиадада катнашучыларга 3 турны (тест, теория һәм эксперименталь турны) үтәргә кирәк булды. Аларның һәрберсендә физика, химия һәм биология буенча биремнәр бар иде. Ярышлар йомгаклары буенча укучылар арасында барлыгы 20 алтын медаль уйнатылган, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз