Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Казан укучылар Халыкара Менделеев олимпиадасына Россия җыелмасы составына керәчәк
Казаннан ике укучы – Альберт Семенов һәм Рәшит Фәсхетдинов Россия җыелмасы составында мәктәп укучылары өчен химиядән 59нчы Халыкара Менделеев олимпиадасында (International Mendeleev Chemistry Olympiad) катнашу өчен Бразилиягә барачак. Яшь химиклар турнирында Россияне тәкъдим итәчәк команда турында М. В. Ломоносов исемендәге Мәскәү дәүләт университетының Университет гимназиясе директоры Александр Гладилин сөйләде дип яза ТАСС.
«Җиде кеше 11 сыйныфны, өч кеше 10 сыйныфны тәкъдим итә», – дигән спикер.
Җыелма команданы химия буенча Бөтенроссия олимпиадасында җиңүчеләрдән төзегәннәр. Казан укучыларыннан тыш, болар: Андрей Вараксин һәм Ярослав Косолапов (Магнитогорск), Виктор Демидов, Владимир Елистратов, Федор Кузнецов һәм Игорь Устинов (Мәскәү), Никита Маслюк (Краснодар), Павел Ревзин (Санкт-Петербург).
Мәктәп укучылары өчен химиядән Халыкара Менделеев олимпиадасы быел 5 – 13 майда узачак. Аны традицион рәвештә МГУның химия факультеты һәм Мельниченко Фонды оештыра. Бу юлы оештыручы партнер – Минас-Жерайс штатының Федераль университеты. 2025 елның 1 гыйнварында Россия БРИКС рәислеген тапшырган Бразилиядә турнир беренче мәртәбә уздырыла.
Узган елда 58нче Халыкара Менделеев олимпиадасы Кытайның Шеньчжэн шәһәрендә узды, анда Россия җыелмасы ун медаль яулады: биш алтын һәм биш көмеш. Россия җыелмасы составында Казанның 131 лицее укучысы Александра Ромашова да бар иде, ул алтын медальгә лаек булды. Аның бу уңышын Татарстан Рәисе Рөстәм Миңнеханов республиканың Дәүләт Советына еллык юлламасында да телгә алды.
Кызыклы яңалыкларны күзәтеп бару өчен Телеграм-каналга язылыгыз