Казан укучысы Булат Миңнеханов информатикадан халыкара ярышта көмеш медаль яулаган
Россиядә тыш, турнирда Әрмәнстан, Азәрбайҗан, Болгария, Молдавия, Румыния, Сербия, Украина һәм Казахстан укучылар да катнашкан.
(Казан, 30 ноябрь, «Татар-информ»). Казанның 7нче лицей-интернатында унынчы сыйныфта белем алучы Булат Миңнеханов информатика буенча XI Халыкара турнирда көмеш медаль яулаган. Бу хакта Казан мэриясенең матбугат хезмәте хәбәр итә.
Турнир 20-24 ноябрьдә Болгариянең Шумен шәһәрендә узган. Анда Россияне 11 команда тәкъдим иткән. Мәктәп укучылары арасында ел саен үткәрелә торган әлеге турнирда IX-XI сыйныф укучылары көч сынашкан. Россиядә тыш, анда Әрмәнстан, Азәрбайҗан, Болгария, Молдавия, Румыния, Сербия, Украина һәм Казахстан укучылар да катнашкан.
Татарстан командасына вәкилләр сайлау Мәскәү физика-техника институтында IOI информатикасы буенча җәйге җыеннар вакытында үткәрелгән – мәктәп укучылары ике көн эчендә C++ программалаштыру телендә 6 мәсьәлә чишәргә тиеш булган.
Халыкара турнир нәтиҗәләре буенча Россия вәкилләре барлыгы 37 медаль яулаган, дип хәбәр иттеләр Авиатөзелеш һәм Яңа Савин районнары хакимиятеннән.