Казан циркын Рамил Шәрифуллин җитәкләячәк
Рамил Шәрифуллин - элеккеге цирк директоры Дамир Шәрифуллинның улы.
Скопировать ссылку
(Казан, 12 март, "Татар-информ", Рузилә Мөхәммәтова). Казан циркын Рамил Шәрифуллин җитәкләячәк. Бу хакта бүген журналистлар белән очрашуда Татарстан мәдәният министры Ирада Әюпова әйтте.
Ирада Әюпова сүзләренчә, конкурста ике лидер булган. Алар - Сергей Нестеров һәм Рамил Шәрифуллин. Нәтиҗәдә, Нестеров директор урыныннан баш тарткан.
Министр Рамил Шәрифуллинның элеккеге цирк директоры Дамир Шәрифуллинның улы булуын да искәртеп узды.
Ирада Әюпова Казан циркының прокат мәйданчыгы гына булуыннан туктап, үз труппасы төзеләчәген әйтте.