Икътисад 31 декабрь 2004 14:38

Казан тимер юлчылары күбрәк йөк ташыган

Скопировать ссылку

(Казан, 31 декабрь, "Татар-информ", Ирина Игнатьева). 2004 елда узган ел белән чагыштырганда, пассажирларны йөртү 5,6 процентка, йөк әйләнеше 9,6 процентка арткан. Моннан тыш, республика шәһәр яны пассажирларын йөртү чыгымнарын да тулысынча каплаган. "Казан" тимер юл вокзалы төзелешенә республика бюджетыннан 35 миллион сум акча юнәлдерелгән.

Горький һәм Куйбышев тимер юллары килешү нигезендә бюджет һәм бюджеттан тыш фондларга түләүләр кертү вазыйфаларын уңышлы үти. Шул рәвешле, әлеге максатларга 900 миллион сумнан артык акча юнәлдерелгән. Тимер юл вокзалларын төзү һәм реконструкцияләү буенча эшләр, шулай ук гомум бәясе 143 миллион сум булган шәһәр яны пассажирлар вокзалын реконструкцияләү дәвам итә. Татарстанда "Россия тимер юллары" ААҖ кирәк-яраклары өчен 677,6 миллион сумлык сәнәгать продукциясе сатып алынган.

ТР Транспорт һәм юл хуҗалыгы министрлыгы мәгълүматлары буенча, "Средне-Волжский транснефтепродукт" ААҖ шөгыльләнүче нефть транспортлау күләме 2003 ел белән чагыштырганда, 32,4 процентка төшкән. Тауар продукциясен сатудан кергән табыш 46,3 процентка кимегән. Берьюлы продукциянең үзкыйммәте 83,4 процентка үскән, кредит бурычы да арткан.

Сәхифәләр

Казан тимер юлчылары күбрәк йөк ташыган