Казан танк училищесында Россия Герое Дамир Исламовка таш сын урнаштырылган
Скопировать ссылку
Казан танк училищесы территориясендә Россия Герое Дамир Исламовка таш сын барлыкка килде. Бу хакта «Татар-информ» агентлыгына «Танкистлар берлеге» Бөтенроссия иҗтимагый хәрәкәтенең башкарма комитеты рәисе Альберт Гыймалетдинов хәбәр итте.
Фото: © «Танкистлар берлеге» Бөтенроссия иҗтимагый хәрәкәте
«Бюстны ачу 10 сентябрьдә беренче курс студентлары ант биргән көнгә планлаштырыла», – дип ачыклык кертте Гыймалетдинов.
Исегезгә төшерәбез, өлкән лейтенант Дамир Исламовка Россия Герое исеме быел март аенда бирелде. Егет 7 мартта Украинаны коралсызландыру һәм илдә нацизмны бетерү буенча махсус хәрби операция вакытында батырларча һәлак булды.