news_header_top_970_100
16+
news_header_bot_970_100

Казан табибы Резидә Бодрова "2004 елның иң яхшы табибы" Бөтенроссия конкурсында җиңү яулады

Казан табибы Резидә Бодрова "2004 елның иң яхшы табибы" Бөтенроссия конкурсында җиңү яулады

(Казан, 25 гыйнвар, "Татар-информ", Ирина Ксенофонтова). Республиканың клиник дәвалау хастаханәсенең (Казан) табиб-физиотерапевты Резидә Бодрова "2004 елның иң яхшы табибы" Бөтенроссия конкурсының "Иң яхшы табиб-реабилитолог" номинациясендә җиңүгә иреште. Быел Россия Федерациясенең 80 субъектыннан 520 табиб катнашкан конкурс җиңүчеләрен бүләкләү тантанасы Мәскәүдә үтте.

Россия конкурсында Татарстанны тәкъдим иткән табибның хезмәт юлында - Казан дәүләт университетының кызыл дипломы, 12 ел клиникада эшләү, Россия Сәламәтлек саклау министрлыгының рәхмәт хаты. Р.Бодрова көндәлек табиб хезмәтен КДМУның эчке авырулар кафедрасында физиотерапия курсы буенча фәнни хезмәт белән үреп бара. Ул - ТР Физиотерапевт һәм курортологлар җәмгыяте әгъзасы, 50дән артык фәнни эшләр һәм 9 рационализатор тәкъдим авторы.

autoscroll_news_right_240_400_1
autoscroll_news_right_240_400_2
news_bot_970_100