Казан табиблары Яшел Үзән бала тудыру йорты хезмәткәрләре өчен мастер-класс үткәрде
Скопировать ссылку
Казанның 7нче шәһәр клиник хастаханәсенең перинаталь үзәгенең әйдәп баручы белгечләре Яшел Үзән бала тудыру йорты хезмәткәрләре өчен укыту мастер-класслары үткәрде. Бу хакта «Яшел Үзән» газетасы яза.
Укулар йөкле һәм бала табучы хатын-кызларга медицина ярдәме сыйфатын яхшыртуга юнәлдерелгән «Имин бала тудыру йорты» проекты кысаларында узды. Казан коллегалары белән бергә трансфузиология, акушерлык һәм неонатологиянең актуаль мәсьәләләрен тирәнтен тикшерделәр, шулай ук үз эшләрен камилләштерү өчен кыйммәтле тәкъдимнәр алды, диелә хәбәрдә.