Җәмгыять 10 май 2018 17:23

Казан студентлары Россия конкурсында тәкъдим итәчәк программасы белән чыгыш ясый

11 майда гала-концертта Татарстан студентлар фестиваленең алдынгы коллективлары һәм аерым башкаручылар бүләкләнәчәк.

Скопировать ссылку

(Казан, 10 май, “Татар-информ”). Иртәгә, 11 майда, КФУның “УНИКС” концерт залында “Татарстан студентлар язы-2018” гала-концерты уза. Татарстан делегациясенең “Россия студентлар язы-2018”дә Ставропольдә күрсәтәчәк программасы тамашачыларга беренче тапкыр тәкъдим ителәчәк.

Концертта Татарстан этабында иҗади бәйгедә җиңүчеләр чыгыш ясаячак. Шулай ук һәр югары уку йорты театральләштерелгән тамаша күрсәтәчәк.

11 майда хисап концертында Татарстанның студентлар фестивалендә катнашкан иң яхшы университетлары һәм институтлары, хор һәм бию студияләре һәм аерым башкаручылар бүләкләнәчәк.

“Татарстан студентлар язы-2018” фестивале сайлап алу турлары май башында узды. Анда 315 командадан 2,5 меңнән артык студент катнашты.

#студентлар язы-2018 #гала концерт

Сәхифәләр

Казан студентлары Россия конкурсында тәкъдим итәчәк программасы белән чыгыш ясый