news_header_top_970_100
news_header_bot_970_100

Казан стоматологлары һөнәре буенча иң яхшы исеме өчен "көрәшә"

Казан стоматологлары һөнәре буенча иң яхшы исеме өчен "көрәшә"

(Казан, 1 июль, "Татар-информ", Ирина Ксенофонтова). Бу көннәрдә Казанның 33 теш табибы Профессиональ стоматология үзәгендә "Стоматология белгечлеге буенча иң яхшы табиб" конкурсының йомгаклау турында пациентларга сәламәтлек һәм шатлыклы елмаю бүләк итү осталыгын күрсәтә.

Беренче мондый конкурс Казанда 2003 елның декабрендә үткәрелгән. ТР Сәламәтлек саклау министрлыгының Сәламәтлек саклау идарәсе тарафыннан Казанда оештырылган һөнәри ярышта шәһәрнең дәүләт стоматология учреждениеләре белгечләре белән бергә шәхси теш табиблары (алар Казанда 43) да катнаша. Соңгы елларда Казанда шәхси стоматология учреждениеләре киң үсеш алуын билгеләп үтик. Хәзерге вакытта шәһәрдә 100 шәхси стоматология кабинетлары һәм клиникалары эшли.

Быел табиблар шәһәрнең 1000 еллыгына багышлаган конкурсның максаты - теш табибларының һөнәри осталыгы үсешенә, эстетик һәм яңа технологияләрне таратуда ярдәм итү. Шәһәрнең Сәламәтлек саклау идарәсе башлыгы Васил Зыятдинов "конкурсның бурычы иң яхшы табибны гына ачыклау түгел, ә республиканың башкаласы халкына заманча стоматология ярдәме күрсәтүнең дәрәҗәсен бәяләү", дип ассызыклады.

Бүген юбилей конкурсының җиңүчеләре "Иң яхшы стоматолог-терапевт", "Иң яхшы балалар стоматологы" һәм "Иң яхшы стоматолог-ортопед" номинацияләре буенча билгеле булачак.

news_right_column_1_240_400
news_right_column_2_240_400
Медиаметрикс
news_bot_970_100