news_header_top
16+
news_header_bot
news_top

Казан спортчысы Минскида ирекле көрәш буенча халыкара ярышта алтын медаль яулады

Казан спортчысы Минскида ирекле көрәш буенча халыкара ярышта алтын медаль яулады
Фото: ТР Спорт министрлыгы матбугат хезмәте

Казан спортчысы Светлана Липатова ирекле көрәш буенча 52 нче халыкара Гран-при турнирында өч тапкыр Олимпия чемпионы булган Александр Медведь призына турнирда җиңү яулады. Ярышлар Минскида 26-27 ноябрьдә узды.

ТР Спорт министрлыгының матбугат хезмәте хәбәр иткәнчә, «Ак Барс» спорт мәктәбе вәкиле 59 килограммга кадәрге авырлык категориясендә иң яхшысы булган.

Җиңү өчен Россия, Белоруссия, Әрмәнстан, Бахрейн, Казахстан, Төньяк Македония, Үзбәкстан һ.б. илләрдән 200 дән артык спортчы көрәшкән. Ир-атлар һәм хатын-кызлар арасында 20 комплект медаль уйнатылган.

Август аенда Светлана Липатова Румыниядә спорт көрәше буенча халыкара турнирда җиңү яулады. Ул Россия җыелма командасы составында 59 кг авырлыкта беренче урынны алды. Бу турыда Казан мэриясе хәбәр итте.

news_right_1
news_right_2
news_bot