Казан спортчысы Кипр башкаласында узган халыкара ярыммарафонда җиңгән
Скопировать ссылку
Казан спортчысы Ярослав Бякин Halfmarathon Quantum Nicosia 2024 халыкара ярыммарафонында җиңгән. Физкультура һәм спорт комитетында хәбәр итүләренчә, ярышлар Кипр башкаласы Никосиядә узган. Йөгерү ярышында бөтен дөньядан 4 меңнән артык йөгерүче катнашкан.
© Фото: © ФЛА РТ
Ярослав Бякин «Хезмәт резервлары» спорт мәктәбендә тәрбияләнгән, аны атказанган тренер Виталий Ильин укыткан. Ярослав авыр үрле трассада рекорд куйган: 21,1 километрны ул 1:04,50дә узган
Моңа кадәр Татарстан башкаласы спортчыларының «Ак Барс» Хоккей академиясе командасы составында Бөтенроссия ярышларында призерлар булуы турында хәбәр ителгән иде. Алар 16 яшькә кадәргеләр арасында бронза алды.