Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казан спорт форумына килүчеләрне һәм АКШ кунакларын каршы алырга әзер булырга тиеш
Мэр Илсур Метшин шәһәр җитәкчелеге алдына шул хакта кисәтеп куйды
(Казан, 12 октябрь, «Татар-информ», Миләүшә Низаметдинова). Бүген Казан шәһәре хакимияте аппаратының «дүшәмбе киңәшмәсе»ндә мэр Илсур Метшин шәһәрдәге җәмәгать туклану предприятиеләрендә һәм җәмәгать транспортында хезмәт күрсәтүчеләрнең эш урыннарында тәмәке тартып, әйләнә-тирәдәге тартмаучыларны агулауларына каршы игълан ителгән көрәшнең акция рәвешен алуына юл куймаска, ә даими рәвештә һәр көнне күз уңындагы һәм аерым контрольдагы тема булып калуына игътибар юнәлтергә кирәклеген басым ясап әйтте.
Киләсе атнада Казанга «Россия – спорт державасы» форумына зур кунаклар көтелүен, бу атнада исә АКШтан кунаклар килеп төшәчәген искәртеп, мэр җитәкчелеккә шуларга әзерлек мәсьәләсенә аеруча нәтиҗәлелек күрсәтергә кирәклеген кисәтеп куйды. Чөнки форум барышында Универсиада объектларының берничәсен ачу, аларны кунакларга тәкъдим итү күздә тотыла, ә инде АКШның дәүләт секретаре Хиллари Клинтонны Казанның толерантлык һәм конфессияара аралашу өлкәләрендәге тәҗрибәсе кызыксындыра.
«Дүшәмбе киңәшмәсе»ндә бүген Вахитов районның үсеш перспективалары темасына район хакимияте башлыгы Руслан Шакиров һәм шәһәр Башкарма комитеты подразделениеләре структурасы эшчәнлеген оптимальләштерү нәтиҗәләре буенча кадрлар сәясәте идарәсе башлыгы Гөлнара Мусина доклад белән чыктылар.
Кызыклы яңалыкларны күзәтеп бару өчен Телеграм-каналга язылыгыз