Казан шәһәренең 18нче хастаханәсе ут белән тәэмин ителде
Һәлакәт аркасында Казанның өч районы утсыз калган иде.
Скопировать ссылку
(Казан, 15 гыйнвар, “Татар-информ”, Валерия Белова). Казан шәһәренең 18нче хастаханәсе ут белән тәэмин ителде. Бу хакта “Татар-информ”га Сәламәтлек саклау министрлыгы матбугат сәркатибе Айгөл Сәлимҗанова хәбәр итте.
"Татар-информ" Казанда кайбер районнарда электр белән тәэмин ителешнең бетүе турында хәбәр иткән иде. Татарстан башкаласында 87 мең кеше утсыз калган. Казанның социаль челтәрләрдәге төркемнәре Горки һәм Азино районнарында ут булмау турында шактый язмалар калдырган.