Казан шәһәре үзәгендә юл буенча хәрәкәт итүче микроавтобуста янгын чыккан
Зыян күрүчеләр юк.
Скопировать ссылку
(Казан, 28 гыйнвар, “Татар-информ”). Казан шәһәре үзәгендә “Пежо Партнер” микроавтобусы янган. Бу хакта “Татар-информ” мәгълүмат агентлыгына Россия Гадәттән тыш хәлләр министрлыгының Татарстан Республикасы буенча Баш идарәсе матбугат хезмәте хәбәр итә.
Вакыйга көндезге икедә Калинин урамы 7 йорт янында була. Юл буенча хәрәкәт итүче “Пежо Партнер” микроавтобусында янгын чыга. Машина эчендә янгынны үзе генә сүндерергә тырышучы, машина йөртүче үзе генә була. Зыян күрүчеләр юк.
Янгын чыгуның сәбәпләре тикшерелә.
