Җәмгыять 7 февраль 2005 12:57

«Казан шәһәре горурлыгы» - киң җәмәгатьчелек өчен

Скопировать ссылку

(Казан, 7 февраль, «Татар-информ»). Казан шәһәре хакимияте, «XXI гасыр хәйрия фонды» коммерциясез эшләүче оешмасы һәм «Авангард» нәшрият йорты «Казан шәһәре горурлыгы» энциклопедик сүзлеген нәшер итү буенча уртак проектны гамәлгә ашыру нияте турында игълан итте. Басмада Казанны данлаган кешеләргә – дәүләт җитәкчеләренә, фән, мәгариф, дин, сәнгать һәм мәдәният, сәламәтлек саклау һәм спорт, предприятие һәм икътисади структуралар җитәкчеләренә багышланган 500 мәкалә җыелачак.

10 мең нөсхә тиражлы китапны август башына чыгарырга һәм аны республика һәм Россия китапханәләре буенча таратырга планлаштырыла. Моннан тыш, «Казан шәһәре горурлыгы»н башкалабызның 1000 еллык юбилее уңаеннан тантана кунакларына бүләк сыйфатында бирү карала.

Сәхифәләр

«Казан шәһәре горурлыгы» - киң җәмәгатьчелек өчен