Архив 12 октябрь 2009 16:38

Казан шәһәре Башкарма комитеты подразделениеләреннән 120 вазифа кыскартылачак

Кыскартылган барлык хезмәткәрләренә дә шәһәр хакимияте эшкә урнашуда ярдәм итәчәк, дип вәгъдәләде кадрлар сәясәте идарәсе башлыгы Г.Мусина

Скопировать ссылку

(Казан, 12 октябрь, «Татар-информ», Миләүшә Низаметдинова). Моңа кадәр берничә тапкыр кыскартулар кичергән Казан шәһәре Башкарма комитеты структурасында эшләүчеләрне янә шундый ук үзгәрешләр көтә.

Хәзерге вакытта анда тагын 120 вазифаны «кыскарту» планлаштырылган. Шуларның 42 процентын пенсия яшендәге кешеләр били, 27 проценты - вакантлы вазифалар. Тагын кадрлар аудиты калган 31 процентын вазифа таләпләрен тулысынча үтәмәгән хезмәткәрләр били дип тапкан.

«Дүшәмбе киңәшмәсе»ндә бүген шәһәр Башкарма комитеты подразделениеләре структурасы эшчәнлеген оптимальләштерү нәтиҗәләре буенча кадрлар сәясәте идарәсе башлыгы Гөлнара Мусина чыгышында шул хакта сүз булды. «Ничек кенә булмасын, кыскартылган барлык хезмәткәрләренә дә шәһәр хакимияте эшкә урнашуда ярдәм итәчәк», - диде ул.

Сәхифәләр

Казан шәһәре Башкарма комитеты подразделениеләреннән 120 вазифа кыскартылачак