Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казан сатиригы: “Билгеләмәсе буенча тияргә ярамаган темалар бар”
“Чаян” журналының баш мөхәррире Парижда фаҗигале вакыйгага нәрсә китерүе турында фикере белән уртаклашты
(Казан, 15 гыйнвар, «Татар-информ», Максим Кирилов). Казанда нәшер ителә торган популяр сатирик “Чаян” журналының баш мөхәррире Рафаэль Хәлилуллов, Парижда фаҗигале вакыйгага китергән төп сәбәп – Франция журналы җитәкчелегенең материаллар язу өчен провакацион формат сайлавы, диде. Бу хакта Рафаэль Хәлилуллов үзе “Татар-информ” МА хәбәрчесенә белдерде.
“Сатирада тыелган темалар юк. Барысы да рәссамның чама белүеннән һәм эчке бәяләмәдән тора. Әмма билгеләмәсе буенча тияргә ярамаган темалар бар. Аерым алганда, ул - кешеләрнең дини хисләре, - дип билгеләп үтте Хәлилуллов. - Аларда, Европада, сүз иреген күзаллау үзенчәлекле. Алар өчен ул сүзен-сүзгә – “нәрсә эшлисен килсә шуны эшлә” дигән мәгънәдә кабул ителә. Андый нәрсә юк бит. Заманында Ленин бабай да, җәмгыятьтә яшәп аннан азат булу мөмкин түгел, дигән. Барыбер ниндидер чикләүләр булырга тиеш. Әгәр исламда кешеләрне, бигрәк тә Мөхәммәт пәйгамбәрне сурәтләү хупланмавын исәпкә алсак, моның нәрсәгә китерүе аңлашыла. Ә ул карикатурачылар берничә ел дәвамында максатчан рәвештә провокация ясаган”, - дип билгеләп үтте агентлык әңгәмәдәше.
Кызыклы яңалыкларны күзәтеп бару өчен Телеграм-каналга язылыгыз