Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казан шәфкать туташын ковидтан прививка белән махинацияләр өчен хөкем итәләр
Казанның Вахитов судында 7нче шәһәр поликлиникасы шәфкать туташына ковидтан вакциналар белән махинация өчен гаепләү бәяләмәсен укыдылар. Ул сәламәтлек саклау бердәм дәүләт мәгълүмат системасына чынлыкта прививка ясатмаган гражданнар турындагы мәгълүматларны өстәгән. Бу турыда «Татар-информ» хәбәрчесе Кирилл Гумеров яза.
Светлана Кузьмина - Казанның 7нче шәһәр поликлиникасы шәфкать туташы. 2021 елның ноябрендә аның танышы мәгълүмат базасына кызының Covid-19дан вакцинация узуы турындагы мәгълүматны кертүен сорый. Чынлыкта ул вакцина ясатмаган була. Моның өчен аңа 2 мең сум түләгәннәр. Соңрак Светлана мәгълүматлар базасына 12 мең сумга тагын өч кешене өсти.
Прокурор гаепләү бәяләмәсен укып бетергәч, шәфкать туташы тулысынча гаебен таныды. Киләсе суд утырышы октябрьгә планлаштырылган, анда хөкем карары игълан ителә.
Кызыклы яңалыкларны күзәтеп бару өчен Телеграм-каналга язылыгыз