Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казан Сабан туе якынлаша
Бәйрәм Казан Ипподромында уздырыла, һәм анда ат чабышларын карап булачак.
(Казан, 13 июль, “Татар-информ”). Милли бәйрәм - Сабан туе Казанда бу шимбә - 15 июльдә - ике мәйданда билгеләп үтелә. Бәйрәм программасы иртәнге 10.00 сәгатьтә - Каенлыкта, кичен 17.00 сәгатьтә Казан ипподромында башлана, дип хәбәр итә "Татспиртпром” җәмгыяте матбугат хезмәте.
Халыкара “Казан” ат-спорт комплексында ат чабышлары уздырылачак. Башкала халкы һәм кунаклар уңайлы комплекста - ачык трибуналардан чабышларны күзәтә алачак.
Ипподром бинасында - рестораннар, ипподром алды мәйданнарында - җәйге кафе, сувенир һәм кулинария рәтләре эшләячәк. Трибуна комплексында Татарстан җитештерүчеләренең продукциясе күргәзмәсе тәкъдим ителәчәк.
Шулай ук биредә татар эстрадасы йолдызлары катнашында зур концерт була. Бәйрәм Сабан туе хөрмәтенә зур салют белән төгәлләнә, дип җиткерә оештыручылар.
Кызыклы яңалыкларны күзәтеп бару өчен Телеграм-каналга язылыгыз