Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казан сәүдә үзәкләре QR-кодлардан башка гамәлдә калган таләпләр турында аңлатты
QR-кодлар белән генә керү режимы бетерелсә дә, сәүдә үзәкләрендә куркынычсызлык кагыйдәләре саклана.
(Казан, 21 февраль, «Татар-информ», Эвелина Киселёва). Казан сәүдә үзәкләре QR-кодлар белән кертү системасы гамәлдән чыгарылганнан соң ничек эшләячәкләре турында хәбәр итте.
«21 февральдән МЕГАга QR-кодлар күрсәтмичә керү мөмкин булуы турында хәбәр итүебезгә шатбыз. Бары тик, зинһар өчен, гади саклык чаралары турында онытмагыз: 1,5 метр социаль дистанцияне сакларга, шәхси саклану чаралары (битлек яки респиратор) кулланырга, санитайзерлардан файдаланырга кирәк», — дип искәрттеләр сәүдә үзәгендә.
«Парк Хаус» сәүдә-күңел ачу комплексында да җәмәгать урыннарында бу өч кагыйдәне үтәү авыручылар санын киметү өчен кирәк, дип искәртәләр.
Моңа кадәр сәүдә үзәкләренә 18 яшькәчә балаларга әти-әниләре яки законлы вәкилләре белән генә керергә ярый иде. Сәүдә-күңел ачу үзәгендә бу тыюның бетерелүе хакында белдерәләр.
QR-кодларны тикшерү бетерелсә дә, «Южный» сәүдә-күңел ачу үзәге хезмәткәрләре кунакларның сәламәтлеге турында кайгыртуларын дәвам итә, дип ассызыкладылар.
«Южный» сәүдә үзәгендә: «Без битлек режимын һәм социаль дистанцияне саклавыгызны сорыйбыз», — дип билгеләп үттеләр.
Бүгеннән башлап, Татарстанда җәмәгать урыннарына керү өчен QR-кодлар гамәлдән чыгарылды.
Кызыклы яңалыкларны күзәтеп бару өчен Телеграм-каналга язылыгыз