Җәмгыять 22 ноябрь 2017 10:44

Казан Россиянең цифрлаштырылган шәһәрләре рейтингында җиденче урынны тота

Zoom Market агентлыгы сораштырулары буенча, Мәскәү, Түбән Новгород һәм Екатеринбург аеруча цифрлаштырылган шәһәрләр булып танылган.

Скопировать ссылку

(Казан, 22 ноябрь, "Татар-информ"). Казан Россиянең цифрлаштырылган шәһәрләре рейтингында җиденче урынны яулады. Топ-10лык Zoom Market маркетинг агентлыгы сораштырулары нигезендә ачыкланган.

Мәскәү, Түбән Новгород һәм Екатеринбург аеруча цифрлаштырылган шәһәрләр булып танылган.

Татарстан башакласы күршеләре булып, исемлектә Волгоград (алтынчы урын) һәм Омск (сигезенче) тора.

Тулаем алганда, ил буенча Челтәргә тоташырга мөмкинлек бирүче заманча гаджетлардан халыкның 83 проценты куллана. Сораштырылучыларның 71 проценты онлайн-мессенджерлар куллана, аларның иң популярлары WhatsApp, Viber һәм Telegram. Шул ук вакытта SMSны респондентларның 9 проценты гына куллана.

Сораштыру мәгълүматлары нигезендә, социаль челтәрләрдән аккаунтларны россиялеләрнең 86 проценты куллана. Россиядә яшәүчеләр арасында “ВКонтакте”, “Одноклассники”, Instagram һәм Facebook аеруча популяр.

Сораштыру интервью алымы белән илнең 25 шәһәрендә үткәрелгән. Анда 19дан 62 яшькә кадәрге 3750 респондент катнашкан.

#Казан

Сәхифәләр

Казан Россиянең цифрлаштырылган шәһәрләре рейтингында җиденче урынны тота