Җәмгыять 4 октябрь 2016 12:10

Казан Россиядә яңа акчалар символларына тавыш бирүдә янә беренче урында

Казан Кремле һәм Казан университетының төп бинасын яңа купюраларда сурәтләүне 340 мең 316 кеше хуплады.

Скопировать ссылку

(Казан, 4 октябрь, «Татар-информ»). Казан 200 һәм 2000 сумлык яңа банкнот символлары өчен тавыш җыюда янә беренче урынга чыкты. Бу хактаТвоя-Россия.рф конкурсы сайты статистикасыннан күреп була.

4 октябрьдә сәгать 10да Татарстан башкаласы рейтингта беренче баскычта тора. Казан Кремле һәм Казан университетының төп бинасын яңа купюраларда сурәтләүне хуплап, 340 мең 316 кеше тавыш биргән.

Икенче урында «Восточный» космодромы һәм Рус утравына чыгучы күпере белән Ерак Көнчыгыш тора. Биредә 339 мең 283 кеше тавышы җыелган.

Әле кайчан гына лидер булган Сочи өченче урынга төшкән. «Роза хуторы» һәм «Фишт» олимпия стадионына 338 мең 13 тавыш бирелгән.

Исегезгә төшерәбез: булачак банкнотлар символларына тавыш бирү конкурсы тәмамланырга атнадан азрак вакыт калды. 7 октябрьдә «Россия 1» телеканалы туры эфирында ике шәһәрнең исеме аталачак, җиңүчеләрнең тәкъдим ителгән күренекле урыннары инде 2017 елда чыгачак яңа купюраларда сурәтләнәчәк.

#яңа акча

Сәхифәләр

Казан Россиядә яңа акчалар символларына тавыш бирүдә янә беренче урында