news_header_top_970_100
news_header_bot_970_100

Казан “Россия – спорт державасы” форумын даими үткәрү урыны булырга мөмкин

Татарстан спортка мөнәсәбәте белән Россия тарихында беренче спорт форумын үткәрүгә лаек булды

(Казан, 24 сентябрь, «Татар-информ»). Казан “Россия – спорт державасы” форумын даими үткәрү урыны булырга мөмкин. Кичә Мәскәүдә Россия спорт, туризм һәм яшьләр сәясәте министры Виталий Мутко форумны оештыру комитеты утырышында шулай дип белдерде.
Кичә Мәскәүдә Россия хөкүмәте вице-премьеры Александр Жуков “Россия – спорт державасы” форумын үткәрү комитетының утырышы узды. Оештыру комитеты рәисе алдында Казанда бу киңкүләмле вакыйгага әзерлекнең төрле аспектлары турындагы докладлар белән Россия спорт, туризм һәм яшьләр сәясәте министры Виталий Мутко, аның урынбасары Наталья Паршикова, Татарстан Премьер-министры Рөстәм Миңнеханов һәм республиканың яшьләр эшләре, спорт һәм туризм министры Марат Бариев хисап тотты. М.Бариев сүзләренчә, оештыру комитеты әгъзалары белән фикер алышкач форумның рәсми һәм спорт программасы расланган. Спортның Олимпия төрләре буенча әйдәп баручы 8 халыкара федерацияләренең президентлары форумда катнашачакларын белдергән.
Оештыру комитеты рәисе Александр Жуков билгеләп үткәнчә, Россиядә беренче спорт форумының ничек үтүеннән аның киләчәге хәл ителә. Күптән түгел Татарстанда булып киткән Россия Атучылар берлеге һәм Ауропа атучылар конфедерациясе президенты Владимир Лисин барлык төбәкләргә дә республика спортка мөнәсәбәте белән форумны үткәрү хокукына ия булуын аңлатырга кирәк, дип ассызыклады.
Марат Бариев сүзләренчә, Татарстан вәкилләре киңәшмәдә катнашучы кайберәүләрнең 2009 елның октябрендә Универсиаданың кайбер объектларын файдалануга тапшыру турындагы шикләрен таратты, дип хәбәр итә ТР Яшьләр эшләре, спорт һәм туризм министрлыгының матбугат хезмәте.


news_right_column_1_240_400
news_right_column_2_240_400
news_bot_970_100