Казан Россия буйлап арзанлы язгы сәяхәтләр өчен иң популяр шәһәр булган
Туристлар Татарстан башкаласында яшәү өчен тәүлегенә уртача 1,7 мең сум акча сарыф итә.
Скопировать ссылку
(Казан, 11 март, «Татар-информ»). Казан Россия буйлап арзанлы язгы сәяхәтләр өчен иң популяр шәһәр булган. Рейтингны Tvil.ru сервисы аналитиклары төзегән.
Туристлар Татарстан башкаласына 3,5 көнгә килә, яшәү өчен тәүлегенә уртача 1,7 мең сум акча сарыф итә.
Иң популяр шәһәрләр бишлегенә шулай ук Краснодар, Екатеринбург, Калининград һәм Симферополь кергән. Туристларга Барнаулда яшәү башка шәһәрләргә караганда арзангарак төшә – анда торакны бер тәүлеккә арендалауга 1,1 мең сум сарыф итәләр.