Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казан прокуратурасы Фрунзе урамындагы «Идел» сәүдә йортын яптыруга ирешкән
Прокуратура сәүдә йорты эшчәнлеген хилафлыкларны бетергәнчегә кадәр туктатып тору турында шикаять белән судка мөрәҗәгать иткән.
(Казан, 28 март, «Татар-информ»). Казан прокуратурасы Фрунзе урамындагы «Идел» сәүдә йортын яптыруга ирешкән. Сәүдә йортында янгынга каршы режим кагыйдәләрен бозу белән бәйле 50дән артык закон бозу очрагы ачыкланган. Бу хакта «Татар-информ» агентлыгына ТР прокурорының өлкән ярдәмчесе Руслан Галиев хәбәр итте.
«Гадәттән тыш хәлләр министрлыгы белгечләре белән үткәрелгән прокурор тикшерүе нәтиҗәсендә сәүдә йортында янгынга каршы режим кагыйдәләрен бозу белән бәйле 50дән артык закон бозу очрагы ачыкланган. Бинаның функциональ янгын куркынычы классын үзгәртү эшләре проект документлары экспертизасын үткәрмичә генә башкарылган, янгын сүндерү буенча автомат җайланма юк, эвакуация юлларында янгынга каршы режим кагыйдәләре бозылган», - диде Руслан Галиев.
Күзәтчелек ведомствосы шулай ук сәүдә йортының бинаны файдалануга тапшыруга рөхсәт бирелмәгән килеш эшләвен ачыклаган. Шул рәвешле, ачыкланган закон бозу очраклары кешеләргә куркыныч тудыра.
Прокуратура сәүдә йорты эшчәнлеген хилафлыкларны тулысынча бетергәнчегә кадәр туктатып тору турында шикаять белән судка мөрәҗәгать иткән.
Суд прокуратураның таләбен тулысынча канәгатьләндергән.
Кызыклы яңалыкларны күзәтеп бару өчен Телеграм-каналга язылыгыз