Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казан паркларында этләр һәм аларның хуҗалары өчен бушлай дәресләр уздырыла
Апрель аенда Казанның җәмәгать киңлекләрендә этләр һәм аларның хуҗалары өчен бушлай дәресләр үткәрелә. Күнекмәләрне этләрнең үз-үзен тотышын өйрәнүче белгеч Полина Кучеева уздыра. Бу хакта Казан мэриясе матбугат хезмәте хәбәр итә.
Чара кунакларын йорт хайваннарын тәрбияләү өчен кирәкле төп командаларга өйрәтәчәкләр, этләрне теге яки бу күнекмәгә өйрәтү нигезләре белән таныштырачаклар, этләргә исләрне эзләү күнегүләре тәкъдим ителә, дип хәбәр итә Парклар һәм скверлар дирекциясе.
Беренче дәрес иртәгә, 4 апрельдә, «Крылья Советов» паркында оештырыла. 15:00 сәгатьтә этләрне йөртү мәйданчыгында «Көчекләр сәгате» уздырыла. Киләсе шимбә көнне, 11 апрельдә, шул ук вакытта Горки-Әмәт урманында исләрне эзләү күнекмәсе тәкъдим ителә. Очрашулар 25 апрельдә Горький исемендәге паркта 15:00 сәгатьтә «Көчекләр сәгате» белән тәмамлана.
Күнекмәләрдә өч ай ярымнан өлкәнрәк, карантин чорын узган, вакцина ясатылган һәм паразитлардан эшкәртелгән көчекләр катнаша ала. Катнашу өчен тренерның телеграммы аша язылырга кирәк.
Кызыклы яңалыкларны күзәтеп бару өчен Телеграм-каналга язылыгыз