Җәмгыять 27 август 2018 21:16

Казан паркларында 30 август алдыннан бәйрәм чаралары уза

28 августта “Крылья Советов” паркында 17.00 сәгатьтә “Туган көнең белән, Казан!” бәйрәме башлана.

Скопировать ссылку

(Казан, 27 август, “Татар-информ”). Шәһәр көне алдыннан Дәрвишләр бистәсендә, Горки-Әмәт урманында, “Крылья Советов”, Урицкий исемендәге һәм “Континент” паркларында 17.00 сәгатьтә “Туган көнең белән, Казан!” бәйрәме башлана. Бу хакта Казанның Парклар һәм скверлар дирекциясе хәбәр итә.

28 августта “Крылья Советов” паркында 17.00 сәгатьтә “Туган көнең белән, Казан!” бәйрәме башлана. Гайдар исемендәге мәдәни яшьләр үзәгенең интерактив концерт программасы каралган. Мәдәният, спорт, мәгариф һәм башка учреждениеләр презентациясе тәкъдим ителәчәк, шулай ук төрле түгәрәкләргә язылып булачак.

Футбол, баскетбол, волейбол буенча мастер-класслар үтә, авиамоделистлар чыгышы күрсәтелә.

Горки-Әмәт урманында бу көнне “Әбием белән иртәнге аш” проектын йомгаклау булачак. Якшәмбе мәктәбе тәрбиячесе, Казанның көмеш волонтеры Ольга Спиридонова кунак булып киләчәк.

“Калейдоскоп” һәм “Крылья Советов” паркларында шул ук вакытта “Безнең ишегалды тавышы” халык караокесы финалы узачак.

29 августта 19 сәгать 30 минутта Аксенов скверындагы урам кинотеатрында “Бриллиантовая рука”, Горький паркында “Сосновой роще”ны күрсәтәчәкләр. Аксенов скверында 17.00 сәгатьтә Лев Толстойга багышланган тематик кичә үтәчәк.

#парк

Сәхифәләр

Казан паркларында 30 август алдыннан бәйрәм чаралары уза