Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казан парклары һәм ишегалларындагы күнегүләргә 13,6 мең кеше кушылган
Казанда май аеннан октябрьгә кадәр «Җитезләр һәм спорт сөючеләр» проектының ачык һавада үткәрелгән спорт шөгыльләрендә 13,6 меңнән артык кеше катнашкан. Бу вакыт эчендә 52 мәйданчыкта 650 чара уздырылган. Бу хакта Казан мэриясе матбугат хезмәте хәбәр итә.
Проект ярдәмендә шәһәр халкы 62 һөнәри күнектерүче җитәкчелегендә саф һавада спорт белән шөгыльләнә алды. Бу сезонда халык теләп катнашкан юнәлешләр арасында зумба-фитнес, төньяк йөреш, хатха-йога, сулыш алу гимнастикасы һәм инсайд-флоу йога билгеләнгән.
Шәһәр халкы спорт белән күпфатирлы йортларның ишегалларында, шулай ук парк һәм скверларда шөгыльләнгән. Иң күп кеше йөри торган мәйданчыклар исемлегенә Урицкий исемендәге парк, Горки-Әмәт урман-паркы, «Крылья Советов» паркы, Кабан күле яр буе, Горький исемендәге парк, «Салават Күпере» торак комплексы паркы, «Наратлык» паркы, «Ак чәчәкләр» бульвары, «Черек күл» паркы һәм башка киңлекләр кергән.
Проектның кышкы сезоны 2027 елда ачыла, дип хәбәр иттеләр Физик культура һәм спорт комитетында.
Яңалыкларны күзәтеп бару өчен Макс-каналга язылыгыз