Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казан – Оренбург юлында һәм Яңа Чишмә саласында исерткеч ташучылар тоткарланган
Алар эше белән эчке эшләр органнары шөгыльләнә
(Казан, 9 ноябрь, «Татар-информ»). 6 ноябрь көнне сәгать кичке 5нче яртыда Татарстанның Яңа Чишмә районы юл хәрәкәте иминлеге дәүләт инспекциясе хезмәткәрләре тарафыннан Яңа Чишмәнең Парк урамында туктатылган «ВАЗ-2110» автомобилендә пластмасса савытларга тутырылган 190 литр спиртлы сыеклык табылган. Машина белән идарә иткән 1965 елгы зат, мәсьәләгә ачыклык кертү өчен, район инспекциясенең дежур частена китерелгән.
Шул хакта «Татар-информ» мәгълүмат агентлыгына хәбәр иткән ТР буенча Эчке эшләр министрлыгының ЮХИДИ идарәсе тагын охшаш бер очракка игътибарны юнәлтә.
7се көнне сәгать иртәнге 10 нчы ярты булып узгач, Казан – Оренбург машина юлының 212 нче чакрымында республика ЮХИДИ идарәсенең юллардагы патруль хезмәте полкы хезмәткәрләре «ГАЗ-2790» машинасын туктаткан. 1982 елгы зат идарә иткән әлеге машинада 2 мең шешә аракы төялгән булып, аларга тиешле документларның чынлыгына шик тудырырлык билгеләр беленгәнгә, шофер Әлмәт шәһәре эчке эшләр идарәсенә тотып китерелгән.
Кызыклы яңалыкларны күзәтеп бару өчен Телеграм-каналга язылыгыз