Казан–Оренбург юлында җиңел машина "Камаз"га бәрелеп, бер кеше үлде
Бәрелешкәч, иномарка металл өеменә әверелгән.
Скопировать ссылку
(Казань, 21 июня, «Татар-информ»). Бүген Казан – Оренбург юлында Лаеш районының Бима авылы янында “Хендэ Солярис” җиңел машинасы белән “КАМАЗ” йөк машинасы кара-каршы бәрелешеп, бер кеше һәлак булды. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.
“КАМАЗ”да вак таш төялгән булган. Бәрелешкәч, иномарка металл өеменә әверелгән.
Зона янгын сүндерү-коткару часте хезмәткәрләре җимерелгән җиңел машинадан һәлак булган йөртүчесен алганнар.
