Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Казан мөгаллиме «Ел остасы» бәйгесенең Бөтенроссия этабында Татарстанны тәкъдим итәчәк
Казан педагогия көллияте мөгаллиме Эльвира Ульянова көллият педагоглары арасында «Ел остасы – 2025» Бөтенроссия бәйгесенең төбәк этабында җиңүче булды. Бүләкләү тантанасы Татарстан башкаласында узды. Хәзер ул сентябрьдә Курск шәһәрендә узачак бәйгенең Бөтенроссия этабында Татарстанны тәкъдим итәчәк.

Фото: © Надежда Гордеева / «Татар-информ»
«Бу бәйге ел саен уздырыла. Быел бәйгегә республиканың 56 көллиятеннән һәм техникумыннан 136 укытучы һәм производствода белем бирү осталары гариза бирде. 135 катнашучы сайлап алу турын узды һәм төбәк этабында катнашты», – дип сөйләде Татарстанның мәгариф һәм фән министры Илсур Һадиуллин.
Финалга 15 педагог үткән. Бәйге сынаулары вакытында алар дәресләр, мастер-класслар уздырган һәм кейслар чишкән.
7 февральдән 31 мартка тикле уздырылган бәйге көллиятләрдәге һәм техникумнардагы талантлы һәм инициативалы осталарны ачыклауга һәм бүләкләүгә, урта һөнәри белем бирү системасында алгарышлы педагогик тәҗрибә таратуга юнәлдерелгән.
Төбәк этабында икенче урынны Лениногорск нефть техникумыннан Алексей Гурьянов яулады. Өченче урында – Чаллы технология техникумыннан Анастасия Ротанова.
Кызыклы яңалыкларны күзәтеп бару өчен Телеграм-каналга язылыгыз