Казан метросының «Кремль» станциясендә ремонт эшләре төгәлләнгән
Метро станциясендә диварларны, түшәмне яңартканнар.
Скопировать ссылку
(Казан, 12 август, «Татар-информ»). Казан метросының «Кремль» станциясендә косметик ремонт эшләнгән, дип хәбәр итә Метроэлектротранс матбугат хезмәте.
Белгечләр берничә төр эшләр башкарган. Түшәмне һәм диварларны иске штукатуркадан чистартканнар, җәяүлеләр йөри торган юлларны һәм вестибюльләрне яңартканнар, диварларны, түшәмне һәм платформадагы манараларны яңадан буяганнар.
Муниципаль унитар предприятиедә хәбәр иткәнчә, ремонт метро пассажирларының уңайлылыгын һәм иминлеген тәэмин итү өчен эшләнгән.