Казан мэры Вячеслав Володинның Рәхмәт хаты белән бүләкләнде
Скопировать ссылку
Татарстан башкаласы мэры Илсур Метшин Россия Дәүләт Думасы Рәисе Вячеслав Володинның «Күпьеллык намуслы хезмәте өчен» рәхмәт хаты белән бүләкләнде. Аны шәһәр башлыгына Дәүләт Думасының Контроль комитеты рәисе Олег Морозов тапшырды, дип хәбәр итә Казан мэриясенең матбугат хезмәте.
Парламентарий Илсур Метшинны Дәүләт Думасы спикеры исеменнән сәламләде һәм шәһәр башлыгының Казанның үсешенә керткән өлешен билгеләп үтте.
Мэр үз чиратында Олег Морозов һәм Вячеслав Володинга рәхмәт белдерде. «Мин хезмәтемне шундый югары бәяләвемә бик рәхмәтле. Казан – илдә күп күрсәткечләр буенча лидер. Әмма безгә үсәргә урын бар һәм без үз эшебезне дәвам итәбез», - дип ассызыклады ул.