Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казан мэры Казан мөселманнарына мөрәҗәгать итә
Корбан гаетен ул рухи сафлану һәм әхлакый камиллеккә омтылу көннәре дип атый
(Казан, 16 ноябрь, “Татар-информ”). Казан мэры Илсур Метшин Казан мөселманнарына мөрәҗәгать итә. Аерым алганда, анда болай диелә.
“Хөрмәтле Казан мөселманнары! Сезне ихлас күңелдән изге Корбан бәйрәме белән тәбрик итәм. Әлеге рухи сафлану һәм әхлакый камиллеккә омтылу көннәрендә чын йөрәктән нык сәламәтлек, бәхет һәм күңел тынычлыгы телим.
Мөселман дөньясында иң дәрәҗәле бәйрәмнәрдән саналган Корбан гаете – Аллаһы Тәгаләнең үз колларына карата кодрәт һәм шәфкать иясе булуының бер символы. Мәчетләргә йөрүебез һәм изге йолаларны үтәвебез белән без әлеге борынгы бәйрәм традицияләрен кадерләп саклыйбыз. Күп гасырлар үтүгә карамастан, бүген дә Корбан бәйрәме бөтен дөнья мөселманнарын берләштереп, барыбызны да игелекле, сабыр һәм бер-беребезгә карата ихтирамлы булырга өнди.
Аллаһы Тәгалә барчабызга да үзенең чиксез рәхмәтен насыйп итсен, ә туган җиребездә киләчәктә дә тынычлык, бердәмлек, иминлек һәм муллык яшәсен!” – диелә Татарстан башкаласы Казан мэры Илсур Метшин тәбрикнамәсендә.
Кызыклы яңалыкларны күзәтеп бару өчен Телеграм-каналга язылыгыз