Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казан мэры: «Безнең гаиләдә татарча гына сөйләшәләр»
Иң беренче чиратта үз гаиләңдә татар телендә сөйләшергә, балаларга әкиятләр укырга, фильмнар карарга кирәк, — дип саный шәһәр башлыгы.
(Казан, 29 апрель, «Татар-информ»). Туры эфирда Казан мэры Илсур Метшин быел Татарстанда игълан ителгән Туган телләр һәм халык бердәмлеге елы уңаеннан булган сорауга җавап бирде. Башкалада яшәүче берәү аның кул астында эшләүчеләре татар телен беләме икәнлеге белән кызыксынды. Шулай ук шәһәр башлыгына, хезмәткәрләре белмәсә, туган телне өйрәнергә «мәҗбүр итәргә» киңәш итте.
«Әлбәттә, мәҗбүр итәргә була, әмма кеше телне үзе теләп өйрәнсә, нәтиҗәлерәк», — дип искәртте Метшин.
Мисал итеп Илсур Метшин үзе турында сөйләде. Өч яшькә кадәр ул рус телендә бер генә сүз дә белмәгән һәм бары тик балалар бакчасына, ә аннары мәктәпкә баргач кына бу телне өйрәнгән.
Үз гаиләсендә Илсур Метшин бары татар телендә генә сөйләшә. «Безнең гаиләдә бу норма, уртанчы улыбыз да, кызыбыз да, кечесе дә туган телдә сөйләшәләр. Барыннан да элек, бу - гаилә эше», - диде Казан мэры.
«Иң беренче чиратта үз гаиләңдә татар телендә сөйләшергә, балаларга әкиятләр укырга, фильмнар карарга кирәк», — дип нәтиҗә ясады мэр.
Шулай ук Илсур Метшин быел Казанда Туган телләр елына багышланган күп кенә вакыйгалар узачагын искәртте.
Кызыклы яңалыкларны күзәтеп бару өчен Телеграм-каналга язылыгыз