Казан мэриясе татар теле курсларына чакыра
Скопировать ссылку
Казанда татар телен өйрәнү буенча чираттагы бушлай курслар 16 ноябрьдә башлана һәм алты атна дәвам итәчәк. Бу хакта Бөтендөнья татар конгрессы матбугат хезмәте хәбәр итә.
Татар телен белү дәрәҗәсенә карап, теләүчеләр башлангыч яки югарырак дәрәҗәдәге төркемгә языла ала. Курс программасы сөйләм теле нигезләрен һәм грамматиканы үз эченә ала. Уку тәмамлангач, иң яхшы нәтиҗәләр күрсәткән укучыларга Рәхмәт хатлары һәм истәлекле бүләкләр тапшырылачак.
Теркәлү өчен сылтама аша узыгыз: https://forms.yandex.ru/u/6af1d2cb4a052d2fa40da768
Урыннар саны чикләнгән.
- Татар теле курслары Казан мэриясе тарафыннан ел дәвамында Татарстан Республикасы Рәисе каршындагы Татарстан Республикасында яшәүче халыкларның татар һәм туган телләрен саклау һәм үстерү мәсьәләләре буенча комиссия ярдәме белән оештырыла.