Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казан мэриясе шәһәр халкыннан машиналарын юл кырыйларыннан алып куярга сорый
Күпләп яуган кар шәһәр хезмәтләре, урам җыештыручы һәм юл эшчеләре өчен җитди сынау булды. Әмма мул явым-төшемнәрдән тыш, урамнарны чистартуны казанлылар үзләре дә кыенлаштыра. Татарстан башкаласы мэриясендә биргән интервьюда «Шәһәрне төзекләндерү» оешмасы бригадиры Альберт Мәхмүдов шулай дип сөйләде, дип яза «Татар-информ».
«Эш артты. Чөнки кар да бик күп, кыенрак та. Чөнки кешеләр аңламый: машиналарын алмый, юл читендә калдыралар. Җыештыру авыр, машиналар тора — трактор бәрелергә мөмкин. Кайвакыт ике сәгать, аннан да күбрәк була», — дип уртаклашты ул.
Урамнарны җыештыруга комачаулаучы тагын бер фактор — кар яуганнан соң ук килгән көчле салкыннар. Каткан карны җыю техникага да, җыештыручыларга да авыр.
Мэриядә шәһәр халкын урам җыештыручыларга һәм юл хезмәткәрләренә территорияләрне җыештыруны тизләтергә булышырга — машиналарны юл читеннән алырга яки алгы пыялада телефон номерларын калдырырга чакыралар.
Бүген Казан мэры Илсур Метшин Яңа Савин районында кар яву нәтиҗәләрен бетерү буенча күчмә штаб утырышы үткәрде. Ул җәмәгать транспорты маршрутлары үтә торган юлларны җыештыруны бу атна дәвамында тәмамларга кушты. Узган җиде көндә Казанда беренче һәм икенче категорияле юлларга гына да 1 млн тонна кар яуган, дип искәртте ул.
Исегезгә төшерәбез, бүген Казанның Халитов урамында юл читендә калдырылган автомобильләр аркасында ике маршрут троллейбуслары туктап торды.
Кызыклы яңалыкларны күзәтеп бару өчен Телеграм-каналга язылыгыз